Bonfire Night

geschter abe isch die jährlechi "Bonfire Night" in bournemouth gsi - das heisst, rummelplatz und füürwärk. zäme mit mire host family und äm nä schuelkolleg bi ig das füürwark ga luege u säubschtverständlech hei mir nähr ou no uf diverse bahne dr adrenalin kick gsuecht - und gfunde :-)

hiä z füürwärk i voller längi... :-)

äs het total spass gmacht dä abe!

grüessli
mäth

Ausflug nach Brighton

wär scho einisch in Brighton isch gsi dä weis was ig meine mit "die stadt isch ungloublech!"

da gsehsch jtz eifach alles, vom punk zum businessman...
wahrschinnlech ligt das aber ou a dr gschicht vo dere stadt. prinz george IV (könig vo ängland vo 1820 - 1830) laht sich doch tatsächlech um 1800 ume ä palast "royal pavillon" la boue in indischem style - das würd ja no ga... aber d innearchitektur isch nach chinesischem stlye gmacht worde! i gloub die "verrücktheit" isch bis hüt i dere schöne stadt brighton blibe! :-)

wär also mal in brighton isch muess also unbedingt ä besichtigungstour dür das schloss mache. äs isch ungloubläch schön!!!

äs isch ä wunder schöni stadt mit sehr vielne chline und änge gässli mit lädeli und pubs. ä wunderbare platz zum eifach ä chli dr tag z gniesse mit shopping.

aber ou d'seafront isch mega schön. diräkt am strand hets sehr viel cafe's und pubs, meeresfrücht- und souvenirshops.

d'pier vo brighton isch natürlech ou super cool. die pier dient hüt als leisure park mit "rummel-platz", spieloutomate, restaurants usw. ä super platz zum zyt verbringe.

ou dä usflug het sich glohnt....

seid liebstens gegrüsst aus der ferne...
mäth

Musical CHICAGO

geschter abe bi ig mit äs paarne vor schuel ga z musical CHICAGO luege...
äs isch ä wunder schöne abe gsi !

Sandbanks

20.10.2007, herrlechs herbscht wätter... isch ja klar das ig da ä chline usflueg "muess" mache. ig entscheide mi für d "sandbanks". das isch ä chlini halb-insle öppe 15min vo bournemouth entfernt. angäblech söu dert dr 2. tüürscht bodepriis zum boue zaut wärde...

zäme mit dr yvonne ha ig de die sach mach chli gnauer unter d luppe gno u muess säge... doch äs isch no schön da. wunder schöne länge sandstrand,

schöni "strand-hüser"

und uf dr nord-site hets de ou ziemli deftigi villa's.

nach äm nä rächt usgedehnte spaziergang hei mir üs de im CAFE SHORE no äs feins kafi gönnt. mhm... isch fein gsi :-)

und wies sich so ghört in sandbanks, ha ig natürlech zersch no mis outo chli poliert...

auso, wär viel gäld het und sich ä platz suecht für näs feriehüsli z boue... ab nach sandbanks!


cheers,
mäth

Weekend Nr. 3 - Vineyard and New Forest

das d zyt viel z schnäll verbi geit isch ja wohl allne klar... aber heit dir gwüsst das si in ängland no viel schnäuer geit??? :-) ungloublech, jtz bini scho 3 wuche da u äs gfallt mir immer no :-))
langsam aber sicher fah ig sogar a, mi a d ängländer z'gwöhne... usser a ihres ässe... naja, das isch nid immer glich guet ;-)

am sunntig morge ha ig z bournemouth ir vineayard drums gspielt. äs het mega guet ta wieder mal musig z mache und uf dr bühni "z'hocke"! isch uuu schön gsi!
am namittag bi ig de mit äs paarne vor vineayard i new forest ga z mittag ässe. isch richtig gmüetlech dert. dä new forest isch äs riese gebiet mit wunder schöner natur - wald, fälder, tier, flüss, teiche, see, usw... äs perfekts naherholigsgebiet. sälbstverständlech hets ou dert, wie schüsch ou überall in ängland, pub's. u nach däm mir i som nä pub hei z mittag gässe si mir de no guet 1.5 stund bi blauem himmu u sunneschiin ga loufe !

äs isch wunderschön gsi u i wirde bestimmt wieder mal ga...

grüessli
mäth

Bournmouth will always remember this Swiss guy ;-)

ou wenns da in bournemouth mega schön isch... bi allne chunnt einisch dr tag vom tschüss säge! bi dä einte chli früecher - bi de andere chli später.

fäbu, schad bisch du eine vo dä früechere... äs het mega spass gmacht mit dir!

i wünsche dir zrügg ir CH alles guete u viel härzlechi welcome-backs vo dire family und friends!
gniess diner 2 wuche ferie bevor du nähr uf biere i die grüene läääääänge ferie darfsch :-))

mäth

ELEMENTS nr. 2

guete morge mitenand... (äs isch jtz exakt 03:08)

das wär sä jtz also gsi... ...die zwöiti nacht im ELEMENTS.

eigentlech sött ig ja jtz ändlech mal is bett, aber zersch wett ig öich doch no a dere party nacht la teil ha!!! ;-)

byebye fäbu... isch schad das scho hei geisch!


und da no äs video... viel spass! :-)

guet nacht! ga jtz ga penne - ha scho gli wieder schuel!

m@

Weekend Nr. 2 - Road Trip "Auf den Spuren von Rosamund Pilcher" ;-)

zweites weekend in bournemouth = zweiter road trip; isch ja wohl klar oder? :-)

das mal hets üs nid nach wales zoge, sondern i südweste -> CORNWALL.

samstag 6.10.07 - mäth steigt früh morgens (08.45!!!) top motiviert ins auto. ausgerüstet mit einer kompletten weekendausrüstung inklusive navigationssystem.
der plan:
auto tanken, pneu-druck kontrollieren, proviant einkaufen UND gemütlich einen kaffee trinken bevor ich um 09.30 yvonne, sabrina und fabian am treffpunkt auflade.
die ausführng:
auto tanken, reserve rad aus dem kofferraum holen und mit dem kaputten linken vorderrad auswechseln, y,s und f abholen, und zur nächsten autogarge fahren.

nomal vo vorne...
an der tankstelle bemerkte ich dass das linke vorderrad komplett auf den felgen ist - JA da nützt alles aufpumpen nichts mehr!!! mit nerven auf exakt 389.76 prozent vom normalen level durchwühlte ich den kofferraum und fand doch tatsächlich ein taugliches reserverad INKLUSIVE wagenheber! wagen "aufbocken", schrauben lösen, radwechseln, schrauben anziehen, wagen runterlassen - und fertig ist der Zauber! keine 10 minuten und das auto ist wieder fahrtauglich. für was habe ich schliesslich in meinen jungen jahren eine schnupperlehre als automech gemacht? endlich konnte ich das glernte mal brauchen! :-)
pünktlich um 09.30 traf ich am vereinbarten treffpunkt ein und die reise konnte wie geplant gestartet werden. nur der erste halt musste durch einen 30 minütigen boxenstopp bei einer autogarage ersetzt werden. schliesslich dient ein ersatzrad nur als temporäre lösung und nicht für 830km mit geschwindigkeiten über 80kmh! - mit neuem pneu und nicht weniger motivation konnten wir dann endlich richtung westen fahren.

Bournemouth - Dorchester - Exeter - Plymouth

1. halt: Mount Edgcumbe House www.mountedgcumbe.gov.uk
2. halt: Looe - wunderschönes, idyllisches fischerdorf! www.looe.org

Falmouth - Penzance - Moushole

4. halt: Land's End => das A* von england :-) www.landsend-landmark.co.uk

nach vergeblicher zimmersuche in einigen B&B's fuhren wir zurück nach Moushole wo wir um 20.30 2 freie zimmer in einem hübschen pub fanden. The Kings Arms

essen - bier - tee - schnarch

2. tag

1. halt Sennen Cove (UNGLAUBLICH schöner Strand!!!) maps.google.com/sennen_cove

2. halt St Ives - geburtsort von rosamunde pilcher -sehr schönes fischerdorf www.stives.co.uk



rückfahrt via Bodmin - Launceston - Exeter - Bournemouth

dieser road trip hat sich total gelohnt: eindrückliche 830km, gute gesellschaft und neue reifen! :-)

fröie mi scho ufe nächst trip!

grüessli a aui wo sich ab u zue uf mim blog verirre!

mäth

Weekend Nr. 1 - Road Trip to Wales

Was macht mä im nä frömde land we mä äs outo zur verfüegig het? richtig - ä road trip. das ha ig samschtig & sunntig mit 2 kollege vor schuel de ou gmacht.
mir hei letschte wuche ir schuel ä vortrag ghört über WALES u de hei mir dänkt mi gö das wales doch grad ga aluege.

route tag 1: Bournemouth - northampton - birmingham - shrewsburry - middletwon (boarder to wales) - welshpool - aberystwyth - fishguard - haverforestwood - st. clears.

nach 13 stund road trip dür wunderschöni landschaft und küstegebiet si mir de in st. clears acho und hei üs äs hotel gsuecht. im "the forge" http://www.theforgelodge.co.uk/ hei mir de ou äs wunderschöns zimmer bercho und hei nach äm nä feine z nacht ändlech chönne ga schlafe :-)

route tag 2: swansea - cardif (besuch CAERPHILLY CASTLE http://www.caerphillycastle.org.uk/ ) - newport - bristol - STONEHENGE (http://www.stonehenge.co.uk/photos.htm ) - und de wieder zrugg uf bournemouth.

total 656 miles (1'055 km) und ca. 18h fahrstunde

äs isch mega genial gsi u jedi einzigi meile het sich glohnt!

föteli chöme de no...

grüessli
mäth

Disco, Parkbuess usw.

ELEMENTS... das isch so ä disco mit mehrerne dance floors wo no rächt bekannt isch hie in bournemouth und am donschtig bi ig de ou zerschte mal dert gsi. eigentlech wärs no ä ganz guete club - we nid überall am bode teppich wär. das isch ja richtig gruusig. bir bar blibsch also fasch am bode chläbe... wääääähhh :-(
trotz däm teppich ha ig die halbi nacht dert verbracht u bi de am fritig morge am halbi 4i mal richtig hei gange.
am fritig ha ig de zum glück ersch am nami schuel gha, so ha ig zmingscht chönne usschlafe - nid so wie anderi wo am viertu vor 9i scho wieder hei müesse ir schuel si :-(

Am fitig abe bi ig de nomal schnäu is ELEMENTS wüu ä kolleg sini jacke dert het vergässe. U da ig ja äs outo ha, isch das grad gäbig gang u mir si rasch id stadt gfahre. 50 meter näbe däm club hets de ou parkplätz gha und ig ha dert parkiert. wo mir 5 minute später wieder zrugg chöme isch aber leider scho d polizei um mis outo gstande und het ä buess dra ta :-( aber nid eifach nur ä buess - si hei mit som nä metalchlotz grad mis rad blockiert. Leider gits bi so sache in ängland keis pardon und ke vergünstigunge für students und so ha ig müesse 120 pfund bar zahle für das ig z outo wieder ha chönne mitnäh - 300 franke für 5 minute... nid schlächte pris dünkts mi :-( und z BESCHTE am gange isch... dr kolleg het sini jagge nid bercho.

nach däm wunderschöne erläbnis hets nur no eis gä - outo heistelle - und z fuess is nächste pub!

PROST
Mäth

first time driving a car on the left side

hüt morge ha ig so richtig schön chönne usschlafe u bi ersch am 9i ufgstande. de ha ig ä tee kochet u bi chli i garte ad sunne ghocket u ha dr morge gnosse. jaja, so schön ha igs da! :-)
und de ha ig no äs gschänk bercho... ä CAR KEY :-) ja genau, jtz ha ig äs eigets outo wo ig darf bruche... *megafreu*

derfür isch dr namitag umso stränger gsi... 6 lektione änglisch... da chasch nähr würklech fasch nur no änglisch rede - aber das isch ja gloub ou dr sinn dervo :-)

am abe bi ig de mit dr family is chino gange ga "chuck and larry" luege... mir hei ja villicht glachet. isch ja mega luschtig gsi...
bim heifahre ha ig mi z erschte mal uf dr rächte site vom nä outo hinger z stür gsetzt u bi heigfahre... uuuu... das mit dä siteblicke isch auso no kompliziert... ha grad chli äckegstabi bercho :-) und im uhrzeigersinn um nä kreisel fahre isch auso ou no grad chli speziell... ABER äs isch gange, z'outo isch no ganz und mir si alli gsund hei cho.

so, i sött ga schlafe. i exakt 9 stund muess ig wieder ir schuel si...

bb, mäth

First night in a Pub

ok. hüt isches passiert... mi erscht usgang... jtz bi ig doch ou no i som nä änglische pub glandet u muess säge, doch... z bier isch guet und mir heis ja würklech extrem luschtig gha. ;-))
zum glück ha ig hüt namitag im nä fitnesscenter äs abo für die kommende 12 wuche kouft. so cha ig jtz problemlos z bier wo ig trinke wieder wäg trainiere :-)

i mälde mi ab! guet nacht allersits!
mäth

First day in school

hoi zaeme

so, huet ha ig mi erscht schuel tag. am morge am 9i isches los gange mit aem nae itrittstest. laeck, z letschte mal ha ig im KV ae aenglisch test gmacht gha, isch auso no schwierig gsi :-( dae test dient aber nur derzue klasseiteilig choenne zmache.

rund 80% vo dae students si schwizer. na bravo. da lehrt mae hoechstens zueriduetsch, aber sicher nid aenglisch :-)

nachem aenglisch test hets de mit aem nae car ae standrundfahrt gae duer bournemouth, wo ues naebscht dae sehenswuerdigkeite ou d strasse vom pulsierende nachtlaebe zeigt worde si.

dr erscht idruck vor schuel isch guet. z personal isch mega ufgstellt und humorvoll. hoffe das isch nid nur am erschte tag so. erschti bekanntschafte ha ig bereitsch choenne mache u aes paar zaeme hei mir ues sogar ae guete vorsatz gno... mir loese as fitness abo fuer naes center grad ir naechi vor schuel ;-) irgendwie muess ja das aenglische aesse verarbeitet waerde...

liebi gruess
maeth

Herzlich willkommen in einer chaotischen Familie

Nach einer angenehmen Busfahrt durch die schöne Landschaft Englands bin ich 30 Minuten zu früh in Bournemouth angekommen. An der Busstation habe ich dann auch einige andere Schweizer getroffen die hilfos da standen und keine Ahnung hatten wie sie nun zu ihren Gastfamilien kommen. Tja, dieses Problem hatte ich nicht - ich wurde ja abgeholt! :-)))

Pünktlich zur abgemachten Zeit fuhr meine Land Lady mit ihrem Agila Vauxhall (Ja, in der CH ist das der Opel Agila.... :-)) vor. Mit dabei, ihr Ex-Mann. Dann ging es los. Die Tochter musste bei der Arbeit abgeholt werden und 10 Minuten später stieg in einem anderen Stadtteil noch der Sohn ein. Irgendwann waren wir dann beim Haus des Ex-Mannes angelangt und dieser stieg aus dem Auto, so dass wir wieder etwas mehr Platz hatten. Zu guter letzt landeten wir dann tatsächlich noch an der 62, Orcheston Road und ich bin somit an meinem neuen Zuhause angekommen.
Das Haus steht in einem schönen Einfamilienhaus Quartier und sieht ganz hübsch aus, von aussen.... Drinnen jedoch, herrscht das reinste Chaos. 3 Kinder, Hund, Katze, Freunde der Kinder, Ex-Mann usw... hier geht wohl alles ein und aus, grad so wie es ihnen passt. Für mich um so besser. Langweilig wird mir bestimmt nicht hier. :-) Mein Zimmer ist ok. Eigener TV, Gas-Chminé, Sofa, Schrank und Bett. Ein eigenes Badezimmer habe ich aber nicht - das Badezimmer im 1. Stock wird von sämtlichen Hausbewohnern benutzt, es ist das einzige. Dafür mit grosser Whirlpool-Wanne *freu*.

So, langsam aber sicher kommt eine leichte Müdigkeit auf und ich gehe mein neues Bett testen.

Guet Nacht!

Mäth

Gatwick Airport

Läck geit das schnäu... chum bi ig no ir CH gsi - bi ig scho z Ängland.

Dr Flüger isch nach 1h15min ruehigem Flug wieder sicher glandet und nach 35 Minute ha ig sogar mis Gepäck chönne i Empfang näh... :-)

Jtz hock ig gmüetlech im nä Kafi, drinke mis Caffé Latte u derzue ä feine Brownie.

14.40 fahrt de mi National Express in Richtig Bournemouth. Da die Fahrt 3.5h duuret, ha ig mir hie sogar äs Buech kouft u teschte schomal mini Fähigkeite im "english reading"... :-)

Grüessli

Mäth

Geneva Airport

So. die letschte Träne si gflosse... ...dr Abschied vo mir liebe Family isch gschafft und jtz bi ig ganz alleini ungerwägs.

I 40 Minunte sött ig de ou dr CH-Bode verlah u richtig Ängland abhäbe.

Jtz no öppis trinke u nähr ab i Flüger...

tschüss zäme, bis später

Mäth

ändlech fertig packt...

jupiii... i has gschafft all mini chleider i nä koffer z quetsche wo nid mal z schwär isch für i flüger...
wahrschinlech ha ig glich no viel z viel sache mit derbi - aber äbe, lieber z viel als zwenig.

i 6,5 stund muess ig scho wieder ufstah für das ig de ou pünktlech z gänf am flughafe bi. us däm grund säg ig jtz: tschüss, guet nacht, byebye, uf wiederluege, ariwerdertschi und ufwiederhöre!

mäth